RUBO BABA czyli Kobietą być?
Może zostanę żywcem obdarty ze skóry i poćwiartowany, że to napisałem, ja - facet, a tutaj na portalu w zdecydowanej większości przeważają kobiety. Absolutnie nie chciałbym nikogo obrazić, urazić, zniesmaczyć, tak po prostu swego czasu naszła mnie „wena” i stało się. Śmieszne, a zarazem smutne, zresztą oceńcie sami.
RUBO BABA
Stoi se baba, wielgo jak szrank
Stoi przed zdżadłem, rubo jes blank
Srogo i spaśno jak wieprz w chlywiku
Stoi i myśli o aerobiku
Zaczyno trynować, mo taki plan
Łona na chama chce zmjynić swoj stan
Stoi i dycho, stynko i fuczy
Cosik we basie fest ji buczy
Z kożdyj strony ji fołdy zwisajom
Z przodku, ze zadku, do kolan siyngajom
Wszyjskie mo ciasne kiecki i bluzki
Bo sztyjc zjodo rolady, kluski
Lubi golona, wuszty, kotlety
A na szpajza dycko maszkety
Roz krepla wetnie, dwje bomboniyry
Kołocza z pudingiym zjy raje sztyry
Mało i mało ji tego jodła
Zaś we byfyju szekulada znodła
Durch gymbom ruszo, jeś niy przestowo
Z tym łodchudzaniym chyba udowo!
Jeszcze roz baba do żdżadła wejrzała
Gowa spuściła i zaślimtała:
„Żodyn mje niy chce, kożdy sie brzydzi
Kiej takie cielsko na łoczy widzi”
I choćby prziszło dziysiynciu chopa
Coby zeżarli krupnioków kopa
I kożdy mioł brecha, szpadel i sznora
To ji niy dźwignom - takigo potwora
Tako to masa, kloc pieronowy
Tukej trza yno dźwig ze budowy
Szkoda tyj baby, bo skuli tycio
Tak zawaliła połowa życio
Prosza… dej Panie Boże
Niych sie ftoś znojdzie, co ji pomoże!!!
